- 13 -

1280. Juli 1. o. O.

Herzog Heinrich V. verkauft die Erbvogtei der Stadt Liegnitz an Friedrich und Hellenbold, Bürger zu Jauer.

In nomine domini amen. Que ad perpetuam hominum memoriam peruenire cupimus inscriptorum redacta serie sigillorum appensionibus solidamus. Ne in hiis, que firmitate dignissima reputamus, post lapsum temporis obliuione pretenta calumpniandi materiam et nocendi facultatem peruersorum noxius inueniat appetitus, inde est quod nos Heinricus dei gracia dux Slesie et dominus de Lignicz omnibus tam presentibus quam futuris testimonio hujus pagine cupimus esse notum, nos ex libera nostri arbitrij voluntate et de consilio nostrorum militum Frederico et Hellenboldo, ciuibus de Jawor iudicium hereditarium de Lignicz ciuitate nostra juste et racionabiliter vendidisse ita, quod hec subscripta nominatim ipsi et eorum successores siue filij seu filie aut nepotes fue rintuel extranei libere possideant perpetue sine omni seruicio, scilicet tercium denarium iudicij et unum allodium de quatuor mansis et curiam mansionis in Lignicz et nonum dimidium mansum soluentem, et curiam mactatoriam ibidem et balneum annis singulis, soluens decem marcas et ibidem in macellis carnium quinquaginta et quinque lapides sepi et ibidem unam marcam argenti annis singulis, dictis viris et eorum posteris, sine omni futura contradiccione persolvendo, preter hec, quidquid in curiis mactatoriis seu macellis panum aut carnium aut sutorum uel stubis balneariis seu in cramis et cameris cramorum uel in aliis, que ex possibili debent ad hereditarium iudicium pertinere in Lignicz edificandum fuerit, uel si ciuitas amplior facta fuerit, ad dictorum virorum Frederici et Hellenboldi vtilitatem et construccionem et eorum heredum possessionem debeut ex conuencione inter nos habita hereditarie pertinere; si uero ciuitas Lignicz amplificata fuerit, tunc ex locacione decima curia ad eosdem viros rite et debite pertineat pleno iure. Insuper centum mansi, qui ad iudicium hereditarium quondam pertinuerunt ex locacione, ad eosdem sepe dictos viros cum iudicio pertinebunt. Si etiam de hiis, que quondam ad iudicium pertinuerunt, quid suis denariis conparare potuerint, hec sine omni seruicio libere habeant et hec de nostra bona admittimus voluntate. Ad hoc nullus iudex prouincialis in iudicio inpedire debet eosdem viros, sed tria iudicia quilibet iudex prouincialis noster annis singulis resideat, alia autem iudicia ad iurisdiccionem dictorum virorum pertineant et nullus agens debet primam querelam coram prouinciali iudicio optinere. Omnia autem suprascripta, sine omni seruicio, dicti viri cum suis successoribus, iure hereditario et iure Meydeburgensi, sicut ab antiquo ciuitas locata fuerat, possideant, omnibus impedimentis retro pulsis. Insuper, si dicti viri Fredericus et Hellenboldus omnia supra dicta, tam iudicium ciuitatis quam alia vniuersaliter singula et singulariter vniuersa, filiis vel filiabus suis vel nepotibus vel extraneis dare, commutare, alienare vel vendere decreuerint, eandem vendicionem seu alienacionem volumus ex pacto facto, sine omni conuencione precii confirmare. Vt igitur peracti fori celebracio graciosa robur habeat perpetue firmitatis, presens priuilegium nostri sigilli robore iussimus confirmari. Acta sunt hec anno domini millesimo ducentesimo octuagesimo, presentibus hiis dominis, domino Ichone, domino Henrico de Provin, domino Petro de Gusik, domino Hartmanno de Konow, domino Themone mar-schalco, domino Bertoldo de Borow, domino Hermanno Buch, domino Frixschone de Loben, domino Tammone de Scheitin, Elgero Schindil et ciuibus de Legniz, Johanne de Woizechisdorfh, Ludwico de Giten, Ludwico de Rademinz, Bertoldo Kleinkoufh, Cunrado de Alzena et aliis quam pluribus fide dignis. Datum infra octavam sancti Johannis babtiste natiuitatis per manum Frixschonis nostre (sic!) notarii.

O. d. St. L. No. 2. An Fäden von rother Seide hängen Reste des grossen Siegels. Die Urkunde findet sich, nach dem Originale gedruckt, in: Tzschoppe u. Stenzel, Urkunden-Samml. S. 394. — Das Originale der von der Herzogin Elisabeth am 6. Febr. 1442 ausgestellten Beglaubigungsurk. (O. d. St. L. No. 3) gieht die Namen der Zeugen weder vollständig noch völlig richtig. Auch die Abschr. in Bitschens Privilegb. f. IVb. enthält Namenentstellungen.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866